المدير العبقري

الله يعينة


لما الشغله تاخد فى ايدة وقت طويل يبقى دقيق وبيدى الشغل حقة
ولما انا اخد فيها نفس الوقت ابقى بطئ ويومى بسنه

لو ما خلصش شغله فى الميعاد يبقى مشغول اوى ويعينوا له سكرتيرة تساعدة
ولو انا مخلصتش شغلى فى الميعاد ابقى من تنابله السلطان و اخد جزاء

لو عمل حاجة من غير ما تنطلب منه يبقا راجل ايجابى ويمتلك زمام الامور
ولو انا عملت حاجة من غير ماتنطلب منى ابقى بأستذكى وعامل فيها فنط

لو قال كلمه حلوة فى حق الريس بتاعه يبقى راجل لسانه حلو
ولو انا قلت كلمة حلوة فى حقة ابقا منافق

لو عملت حاجة صح مديرى العزيز عمرة ما يفتكرها
ولو عملت حاجة غلط عمرة ما هينساها
لو المدير اخد قرار صعب يبقى شجاع وجرئ
ولو انا اخدت نفس القرار ابقى مجنون ومتهور

لو هورفض يمضى ورقة ناقصة ختم يبقا امين وحريص على القانون
ولو انا رفضت امضى نفس الورقة ابقى بيروقراطى متعفن

لو خلص شغله بسرعة يبقا رجل ذو كفاءة وسرعه وانجاز
ولو انا خلصت شغلى بسرعه ابقا بسلق الشغل علشان اروح بدرى وشغال بسياسة
لايس لايس كله بيطلع كويس

لو قال ان السكرتيرة حلوة يبقى رجل فنان ويقدر الجمال
لو انا قلت كدا ابقى رجل مبصبصاتى وابيح

لو الموبايل بتاعه رن فى اجتماع يبقى رجل مهم والناس ما تستغناش عنه لحظة
لو الموبايل بتاعى رن فى نفس الاجتماع ابقا راجل جلياط وغاوى منظرة

لو اتاخر عن ميعاد الشغل بساعتين يبقا كان وراه اجتماع مهم
ولو انا وصلت الشغل متاخر خمسة دقائق ابقا كنت بتسنكح فى الشوارع واخد لفت الانتباه

لو قال انه بيعمل بناءا على توجيهات السيد الوزير يبقا سياسى حويط
ولو انا قلت بعمل بناءا على توجيهاته ابقا جبان وبتهرب من المسئولية

لو فكر فى تشغيل الادارة بالكمبيوتر يبقا رجل تقدمى من رواد التطور
ولو انا فكرت فى الموضوع دا يقول لى بطل تتفرج على افلام الكرتون بتاعت الخيال العملى

يسلــــــــــــــــــــــــــــــــــمــووو

يثلمـــــــــــــــــــــــــــــــــــــو